Hakimin Kabo kuma Sarkin Gabas na Kano, Alhaji Idris Muhammadu Adamu Dankabo, ya rasu yana da shekaru 48 sakamakon wani mummunan hatsarin mota da ya afku a Kano.
Rasuwar tasa ta tabbata ne cikin wata sanarwa da aka fitar a madadin iyalan sa ta bakin Alhaji Fahad Dankabo, wanda ya kuma bayyana shirye-shiryen jana’izar.
Alhaji Idris É—an marigayi Jarman Kano ne kuma shugaban kamfanin jiragen sama na Kabo Air, Alhaji Muhammadu Adamu Dankabo. Ya kasance basarake mai daraja da kima wanda ya ci gaba da tafiyar da gadon shugabanci na danginsu a masarautar Kano.
Ya bar mata da ’ya’ya biyu.
An gudanar da sallar jana’iza a yau, Juma’a, 19 ga Satumba, 2025, a fadar Sarkin Kano, tare da jagorancin Mai Martaba Sarkin Kano, Muhammadu Sanusi II.
Post a Comment